Онлайн катталуу

Онлайн катталуу катышуучу авиакомпанияларынан билет сатып алган жүргүнчүлөргө аэропортко келүүдөн мурун интернет аркылуу учакка отуруу үчүн керектүү катталуу процедураларын жүргүзүүгө мүмкүнчүлүк берет. Билет сатып алгандан кийин компьютериңизден, мобилдик телефонуңуздан же планшетиңизден онлайн катталсаңыз болот.

Көп авиакомпаниялар учуудан 23-24 саат мурун башталып, учуудан 90 мүнөт мурунга чейин онлайн катталуу мүмкүнчүлүгүн беришет. Катталуу процедурасы учуудан 24 саат мурун гана ачылат, анткени учууда колдонулуучу учактын түрү өзгөрүшү мүмкүн.

Билет жасоо процедуралары аяктагандан кийин билетиңиз менен бирге ырастоо электрондук катын аласыз. Учууңуздан болжол менен 24 саат мурун онлайн катталуу шилтемеси аркылуу бул электрондук каттагы ат-жөнүңүздү, электрондук билетиңизди же бронь номериңизди киргизишиңиз керек. Андан кийин учактын отургуч планынан орундугуңузду тандасаңыз болот. Бирок, кээ бир авиакомпаниялар үчүн алдын ала орундук тандоо милдеттүү эмес жана кичине акы төлөөнү талап кылышы мүмкүн экенин эстен чыгарбаңыз.

Ошондой эле авиакомпаниянын мобилдик колдонмосун жүктөп алуу же алардын мобилдик веб-бетине кирүү аркылуу онлайн катталуу процедурасын жүргүзө аласыз.

Онлайн катталууну колдонгон кардарларыбыз учуудан 60 мүнөт мурун аэропортко келиши керек. Катталуу процедуралары учак учудан 45 (эл аралык учуулар үчүн) же 30 (ички учуулар үчүн) мүнөт мурун аяктоосу керек. Жүк-тагы жок жүргүнчүлөр интернеттен отуруу талонун басып чыгарса, коопсуздук текшерүүсүнөн өткөндөн кийин түздөн-түз учакка минсе болот. Жүк-тагы бар жүргүнчүлөр жүк-тагын катталуу үстөлдөрүнө тапшыргандан кийин, алар жабылганга чейин учакка минсе болот.